"Төрт күн су болмайды": Мекеме өкілдері WhatsApp-та тараған хабарламаға қатысты пікір білдірді

WhatsApp мессенджері мен әлеуметтік желілерде "Алматы су" мекемесінің қалада төрт күн бойы су болмайтыны туралы хабарламаcы тарап жатыр, - деп хабарлайды NewsRoom+ ақпарат агенттігінің тілшісі Tengrinews.kz сайтына сілтеме жасап. 

"Қыздар, Алматыда тұратындарға жіберіңіздер. Су алып қойсын. Дезинфекция жұмыстарын жүргізу үшін төрт күн қалада су болмайды", - делінген хабарламада.

 Мекеме өкілдері бұл хабарламаның жалған екенін айтты. "Алматы әрдайым сумен қамтамасыз етіліп отырады. WhatsApp-та қалада төрт күн су болмайтыны туралы тарап жатқан хабарлама шындыққа жанаспайды. Суды өшіру жоспарда жоқ", - деді мекеменің баспасөз қызметіндегілер.