Алматыда Toyota блокбекетті соғып өтті: полицей ауруханаға жеткізілді

Кеше 318 0

Алматыда Toyota жүргізушісі Алатау ауданы Көксай ауылының маңындағы блокбекетті соғып өтіп, салдарынан полицей зардап шеккен, - деп хабарлайды NewsRoom+ ақпарат агенттігінің тілшісі Polisia.kz сайтына сілтеме жасап.

Жол апаты сағат 15.00-де болған. Алматы облысы Қарасай ауданы Көксай ауылының 1970 жылғы тұрғыны Toyota Ipsum көлігімен келе жатып, №4 блокбекетке барып соғылған.

Артынша сол маңда тұрған Kia маркалы полиция көлігін соғып, кейін Lada priora мен Toyota Camry көліктеріне барып соғылған. Қызметтік көлікте отырған полицей Мереке Отарғазы жедел түрде ауруханаға жеткізілген.

"Алдын ала мәлімет бойынша, көлікте мас жүргізуші отырған. Одан сараптама алынады. Бұл жағдайда бірнеше ведомствоның өкілдері жауап береді", - деді Алматы қалалық полиция департаментінің ресми өкілі Салтанат Әзірбек.

Бұл дерек ҚР Қылмыстық кодексінің 345-бабының 1-бөлігі бойынша сотқа дейінгі бірыңғай тергеу реестріне тіркелді.


Тегтер: Полиция, блок-бекет, Алматы

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.